Dnans ch’a vegna neuit,
mè cheur, përché core avante?
avante a j’é mach la neuit.
I diso nen la neuit dle steile,
bianca ‘d lus e pien-a ‘d seugn,
la neuit quand le matòte
a dòrmo ant le ca anluminà
ëd mel tra le bòdsore 
seren-e sle rive dij fòss.
La neuit quand për l’alman[1]
ij spirti ‘j bësbijo ‘l mister 
e ij basi ‘j son sensa fòrma.
La neuit dle masche cantà
ant le vijà dle stale nòstre.
Nò, për noiautri la neuit
a l’é ‘n silens ëd rimpiant,
làcrime e rimpiant për lòn
ch’i l’avroma nent fàit doman.

Pero Buòso
Turin – November 2023

Glossari:

bòdsore: a’j son i rovèj ant ël dialet ëd Salësèj (an Provinssa ‘d Cuni)

[1] So-sì a l’è ‘n riferiment a Novalis (Georg Friedrich Philipp Freiherr von Hardenbergpoeta; 1772-1801) poeta romantich alman famos për ij sò “Hymnen an die Nacht” (Inn a la neuit).